30 desember 2005

Viðtal tvö

hún hringdi loksins eftir kl. 18 og spurði hvort ég gæti komið í viðtal númer 2 og tala við yfirmann deildarinnar sem ég yrði í. Ég svaraði auðvitað já og fer í það á mánudaginn kl. 14. Svo góða strauma þá ef þið eruð ekki of upptekin eða þunn. Allavega er vongóð fyrir þetta viðtal.

Hafrún Ásta enn hjá Sýslumanninnum.

Þarf ekki að elda ...

Næst heima fyrr en 2. janúar. Fórum í mat til Nonna og Ingibjargar í gærkvöldi. Og hittum þar tengdamömmu, Arnar Már og Unni mömmu Ingibjargar og það var bara gaman strákarnir (Hafsteinn Vilbergs, Natan Smári og Heiðmar Máni) léku sér og við fórum seint heim eða um 22:30 og strákarnir steinsofnuðu á leiðinni heim hehe voru svo sofandi að þeir vöknuðu ekki við að vera bornir inn né að vera klæddir úr.
Voru svo enn sofandi þegar ég fór í vinnuna í morgun, þeir verða heima með Sigga í dag sökum þess hversu seint þeir fóru að sofa. Ég verð nú að viðurkenna að ég öfundaði þá nú pínu þegar ég fór út og var skítkalt að vera uppí rúmi undir sæng.
Er svo kalt í horninu mínu hérna í vinnunni.

Bíð en spennt eftir símtölum frá allavega nokkrum stöðum vegna vinnu, en á von á því að fólk sé í fríi eða í áramóta/hátíðar gír og ég fái engar fréttir fyrr en eftir áramót. En við skulum vona það besta samt.

Hafrún Ásta sem bíður og bíður og bíður og bíður og bíður og bíður........... og er kalt á meðan ;o)

29 desember 2005

Lítið að frétta

Já lítið að gerast og lítið að frétta. Nú er ástandið í vinnunni þannig að manneklan hefur þau áhrif að ég var beðin um að fara í afgreiðsluna og jú það er guði sé lof lítið að gera því ég hef aldrei verið þar áður og veit nú ekki um allt sem ég þarf að gera ef einhver kemur með eitthvað flókið. En maður bjargar sér alltaf er það ekki. Svo kom hérna kona sem talaði út í eitt. Um bókina "myndin af pabba". Jafnvel þó ég snéri baki í hana til að leita að skjölum eða bakvið skáp þá talaði hún stanslaust. og um að ég mundi eiga fín áramót því ég væri svo ung og með mínu eina jafnvel 2 börnum og ég væri nú trúlofuð, gift eða einstæð (jamm hæfileiki NOT). Svo talaði hún mikið um að hún hefði ekki komist fyrr vegna mígrenis og kinnholsbólgna og ýmislegt annað ég var í rauninni ekki að hlusta og svo sagði hún svona 6 sinnum gleðilega hátið og gleðilegt ár. Æji ég vorkenndi henni nú pínu þegar hún sagði ég var nú bara einstæð því ég lenti á drykkjumönnum og bla bla bla.

Til hamingju með daginn frændi

Hafrún Ásta andlausa

28 desember 2005

Smá vísa

frá henni Karen minni sem hittir oft naglann á höfuðið hehe

Hjá Sýslumanni er gaman,
þar stimpla allir saman,
bæði upp og niðri og allir eru með.
Fjárnámin og lánin
og ég er meiri kjáninn
að vera enn að vinna
hjá SÝSLUMANNINUM


Hafrún Ásta sem finnst þetta fyndið.

27 desember 2005

home sweet home

Já við erum komin heim. Keyrðum í einum rykk í gær 5 og 1/2 tími í mikilli snjókomu og myrkri sem var ekki gott. Ekki er veðrið í dag skárra ROK OG RIGNING. En jólin sem slík voru fín. Náðum að eiga góð jól þrátt fyrir að þau væru pínu tómleg að hluta. Borðuðum mikið og heimsóttum fáa, eða bara afa og ömmu Sigga og svo Höllu og co á annann í jólum á leiðinni heim. Þakkir til Gunna og Lindu fyrir lánið á stólnum sem hefur vonandi skilað sér núna.

Ekki hefði veitt af einum degi heima til að jafna sig eftir svona ferðalag. Hafsteinn fékk að vera heima að leika við Jón Eggert enda beðið eftir því öll jólin (Siggi er heima líka). Þar sem það er aldrei eins afslappandi að vera heima hjá öðrum með börnin sín þar sem maður er alltaf að passa að þeir hafi ekki tekið eitthvað eða gert eitthvað sem húsráðandi er ekki hrifin af. En þannig er það bara og húsráðandi ræður yfir sínu dóti þannig er það bara. Allavega er gott að vera komin heim þótt það hafi verið gaman að fara norður.

Nú er bara að halda áfram að borða hollt sem fór nú fyrir ofan garð og neðan um jólin og eflaust aftur næstu helgi. hehe.

Annars keypti ég mér belti fyrir norðan þar sem ég var að missa buxurnar og belti er ódýrara en að kaupa endalaust nýjar buxur.

Hafrún Ásta komin heim og með tak í bakinu á sama stað og síðast hehe sennilega þessi leiðinda lægð og langi bíltúr í gær...

23 desember 2005

Gleðileg jól krúttin mín

Já ég fer eflaust ekki á netið á morgun en vil því óska ykkur gleðilegra jóla í dag og megi þau vera róleg og yndisleg í alla staði. Borðið yfir ykkur og njótið samvista við ástvini og vandamenn.


Hafrún Ásta, Siggi, Hafsteinn Vilbergs og Heiðmar Máni

21 desember 2005

ég bragðast eins og...

salad
You taste like a salad. You are the epitome of
diversity and freedom. With your mixed flavors
and ability to blend with almost anything, you
make people happy.


How do you taste?
brought to you by Quizilla

Jólafrí þegar þessi vinnudagur er búinn

En þá er nóg að gera þó ég sé búin að kaupa allar jólagjafirnar og gera og skrifa á öll jólakortin. Og senda þau og allar gjafir á sínum stað. Þá erum viða ð fara að keyra út restina og þurfum á tvo staði til þess. Einnig þarf Siggi að fara í eftirskoðun eftir aðgerðina sem hann átti að fara í á föstudaginn en það gengur ekki við verðum fyrir norðan. Jamm leggjum af stað í fyrramálið og okkur hlakkar til auðvitað. Sérstaklega strákana.

Jólafrí, jólafrí, jólafrí hehe alveg að byrja 5 klst og 15 mínútur hehehehehe.

Hafrún Ásta sem væri alveg til í að vera komin í jólafrí en getur beðið en á erfitt með að einbeita sér samt í dag hehe.

20 desember 2005

Fékk þær fréttir áðan

að kunningkona mín og nafna er látin. Hún lést á Landsspítalanum og mér finnst verst að ég hafði ekki heyrt í henni lengi. Um daginn, eða fyrir um viku, hugsaði ég nú með mér að ég þyrfti að hringja í hana svo Hafsteinarnir (Já hún átti líka Hafstein fæddann 2000) gætu hisst, en hugsaði æji ég hringi seinna. Næst þegar ég fæ svona hugboð þá hringi ég því það gæti verið of seint seinna.

Hafrún Ásta sem ætlar að kveikja á kerti fyrir Hafrúnu.

Hans Klaufi

Eða réttara sagt Hafsteinn Vilbergs klaufi. Fyrir jólin í fyrra rann hann niður ísilagða brekku og sportaði "smá skrámu" á kinninni. Allavega kallaði leikskólinn það smá skrámu.
Í ár er það annað hann datt niður af stól og er með sár inn í munninum og þennan líka fallega marblett.


Hafrún Ásta sem á lítinn klaufabárð en hann geymir þetta yfirleitt svona fram að jólum þá slasar hann sig

19 desember 2005

Flóki í Hvanneyrarprestakalli

Er nú alvarlega búinn að skjóta sig í fótinn núna. Hann sagði við börnin í sunnudagaskólanum að jólasveinninn væri ekki til. Og útskýrði hvers vegna að hann gæti ekki hugsað sér að ljúga að börnunum. Sem sagt ekki leyfa þeim að njóta sakleysislegrar barnatrúar. Ekki stoppaði hann þar samkvæmt DV (ekki beint áreiðanlegasta blaðið samt hehe) heldur sagði illgjarna foreldra eitthvað vera fúla yfir þessu. Í hverju felst sú illgirni spyr ég? Í því að gleðja börnin í sinni barnslegu og fallegu trú á að einhver góður gleðji þau um jólin. Ja dæmi hver og trúi hver því sem hann/hún vill.

Hafrún Ásta sem ekki er hrifin af svona hreinskilni og telur málsháttin " oft má satt kyrrt liggja" eiga við á svona tímum.

18 desember 2005

Jólaball

Já fór með strákana á jólaball á föstudaginn og þar var þessa sveina að finna










Strákarnir skemmtu sér prýðilega svo fórum við heim og fengum heimsókn frá Sveinu og Patriki Þóri sem var svaka gaman og borðuðu þau með okkur.

Svo var haldið í jólagjafaleiðangur í gær og þar hitti Hafsteinn hana Birgittu og sagði henni að hann vissi að hún væri gulrótin hehe svo sá hann Jónsa aftur og ætlaði að fara að segja honum að hann hefði líka hitt gulrótina sem sagt Immi ananas (Jónsi) og Gedda gulrót (Brigitta) hehe Hafsteinn krútt.

Svo sagði Hafsteinn mér að hann elskaði Birgittu hún er svo sæt og góð.

Hafrún svo upptekin þessa dagana.

Alveg að verða búin


Með þessa mynd hún verður svo flott og auðvitað set ég mynd þegar hún er búin hehe

Hafrún sem með hjálp Sigga eru búin að agera 67 jólakort.

16 desember 2005

Þessir jólasveinar

Hafsteinn Vilbergs kom hlaupandi inn til okkar klukkan 6:30 (ok já ég fór ekki í leikfimi í morgun sofnaði svo seint) og tilkynnti okkur það að pottaskefill hefði skilið eftir pott í glugganum hann hefði sennilega borðað úr honum og svo skilið hann eftir. Hann kom ekki með innihald skósins nei POTTINN hehe. Þetta er svo ekta gleði yfir því að jólasveinninn skul heimsækja hann á hverju kvöldi að það er yndislegt. Heiðmari Mána er nú nokk sama í raun en þetta er þannig að þeir hafa gleymt og ég líka að opna súkkulaðidagatalið í tvo daga.

Fór í saumaklúbbinn í gær og saumaði smá svo svakalega gaman að sjá stelpurnar aðeins og knúsast í dúllunum þeim Sóleyju Birtu og Karítas Árnýju sem leyfðu mér alveg að dullast með þær eru báðar í kringum 3ja mánaða hvílíkar rúsínur.

Sóley Birta til vinstri í bleikum buxum og Karítas Árný til hægri í hvítum buxum.







Hafrún Ásta sem er að fara á jólaball með strákana í vinnunni eftir vinnu en þá verða þeir búnir á einu jólaballi í leikskólanum í dag.

Sá fimmti Pottaskefill,
var skrítið kuldastrá.
-Þegar börnin fengu skófir
hann barði dyrnar á.

Þau ruku’upp, til að gá að
hvort gestur væri á ferð.
Þá flýtti’ ann sér að pottinum
og fékk sér góðan verð.

15 desember 2005

Baukur, baukur en ekki laukur og bréf til sveinka

Þvörusleikir kom í nótt og skildi eftir tvo bauka einn handa hvorum ekki eins en bæði baukar en svona skemmtibaukar; annar er svona töfrabaukur, hinn er bangsímon baukur með rennilás til að opna hann hehe. En Þvörusleikir tók líka með sér miða frá Hafsteini Vilbergs sem á stóð
Kæri jólasveinn, Það á ekki að setja nammi í skóinn nema á laugardögum en ég ætla að geyma það til næsta laugardags. Mig langar svo endilega í bauk (Siggi kom með margar uppástungur og þetta var ein þeirra þar sem þetta var til hehe) eða prumpublöðru. Þinn vinur Hafsteinn Vilbergs

Afrek gærkvöldsins er 16 kort já 16 en bara vegna þess að við hjónin sátum saman í gær og gerðum kort í 3 tíma svo dugleg. Siggi gerði 11 og ég 5. Áður en þið segið HA!! þá eru þau ekki eins sem er bara gaman en Siggi var hvílíkt öflugur í gær það má hann eiga.

Hafrún Ásta sem er rúmlega hálfnuð með kortaföndrið í ár.

14 desember 2005

Stúfur sko

Í nótt kom stúfur og sökum þess að ekki var búið að redda öðru var sett nammi í skóinn og ekki laugardagur. Hafsteinn Vilbergs sagði mér svo í morgun að Stúfur hefði sko gefið honum nammi en að hann ætlaði að geyma það þar til á laugardaginn og Heiðmar Máni líka.

Ég er nú komin með þessa setningu á heilann
Allsber kall, allsber kall, dingalingaling!
Allt Lindu litluskvís að kenna.

Hafrún sem er svo þreytt því hún fór seint að sofa og eldsnemma á fætur til að mæta í leikfimi.

13 desember 2005

Nýtt jólalag

Ég á vinkonu sem heitir Dagbjört, hún býr til jólalag á hverju ári ok allaveg síðustu tvö og ég fæ það með jólakortinu en í ár fékk ég að heyra áður og líkar vel. Ef þið viljið hlusta ýtið þá hér. Það er svo gaman að eiga svona hæfileikaríka vinkonu.

Hafrún Ásta sem heyrði nýtt og hugljúft jólalag í dag.

Fyrsta jólakortið og ný uppskrift

Fékk fyrsta jólakortið í gær og á því var eplafrímerki sem lyktar eins og kanil og epli. Ég opna aldrei jólakort fyrr en á aðfangadag en ég held samt að ég viti út frá skriftinni frá hverjum það er.

Var að fá nýja uppskrift sem mig hefur langar að prófa Kjúklingabaunabuff strákarnir eru svo hrifnir af þannig ;o) og mér er sagt að þessi sé æði hlakka til að prófa hana í kvöld.

Hafrún Ásta sem kemst í enn meira jólaskap þegar jólakortin fara að streyma inn. er ekki búin að senda mín sjálf en er líka enn að búa þau til og er nú ekki búin með alveg nógu mörg en samt slatta ...

11 desember 2005

Laufabrauð nammi namm

Vorum í dag að gera laufabrauð og mættu líka Sigríður Ósk og Jón Fannar, Anna og stelpurnar til mömmu og pabba og skárum og steiktum nammi namm Laufabrauð er svo gott.


Hafrún Ásta sem býður spennt eftir að sökkva sér í laufabrauðið

10 desember 2005

tónleikar og smákökubakstur

Við fórum yfir götuna og til Önnu Þóru og krakkanna að gera kökur og leyfa krökkunum að skreyta þær. Þetta var gaman og ákváðum við Anna Þóra að gera þetta að hefð og gera þetta fyrir hver jól. Við borðuðum svo saman.

Skruppum á tónleika sem voru í Hagkaup í Spönginni. Það var fínt að vísu vorum við frekar svekkt að Garðar Thór Cortes söng ekki en hann áritaði diskinn sinn og hann hefur einnig ótrúlega þolinmæði. Afhverju jú Hafsteinn stóð lengi við borðið hjá honum og talaði við hann lengi go mikið og stelpuna sem var að opna diskana fyrir hann sem Hafsteinn tilkynnti mér að hann elskaði hún væri svo sæt. Hann skrifaði á miða fyrir Hafsteinn og svo aftur og þegar han viðurkenndi fyrir Hafsteini að hann kynni ekki að teikna kartöfluhaus (hehehe) þá teiknaði hann bara annann karl fyrir hann. Eins og þetta væri ekki nóg skrifaði hann á hendina á honum líka og leyfði myndatöku.

Nylon kom að vísu bara 3 og sungu eitt lag og sátu í smá stund og Hafsteinn sagðist vilja fara og tala við þær en hætti við strax aftur.
Svo söng Beggi og gaf Hafsteini einnig eiginhandaráritun. Þeir sungu nokkurn lög.

Svo kom Jón Sigurðsson eða 500 kallinn og söng lög af disknum sínum sem við keyptum og hann áritaði en af því að við gáfum ekki upp neitt nafn skrifaði hann heimsins besta fjölskylda á hann hehe svo sætt. og svo söng hann barnalag fyrir börnin og Heiðmari Mána fannst þetta fínt og fór að syngja með hehe. Hafsteinn fór líka að vera með.

Hann var svo góður við strákana leyfði þeim að skottast í kringum sig og Hafsteinn var líka að vera svo góður við litla stelpu sem hann sá þarna og þá kom Heiðmar Máni og tók utan um hana og smellti á hana svaka kossi held að stelpugreyið hafi verið orðin hálfsmeyk. hehe!

Fórum svo heim og settum gaurana í rúmið.
Hafrún Ásta sem er búinað skrifa alltof mikið ótrúlegt ef þið lásuð þó þetta langt.

09 desember 2005

Jólaleikrit og afmæli

Já í morgun fórum við að jólaleikrit í leikskólanum og Hafsteinn lék fjárhirði af mikilli natni. Heiðmar Máni og önnur börn í leikskólanum fengu að koma og horfa á líka. Jú og svo kom Haddý amma líka og svo var kaffi á eftir. Búin að setja inn 3 myndir og þar af ein af Hafsteini og Jóni Eggerti, hann var svo sætur ;o)



Og svo á Siggi minn afmæli í dag, til hamingju með daginn Siggi 33 ára í dag.


Hafrún Ásta sem á afmæliskarl og lítinn leikara(fjárhirðir) bara ekki rétta féð ;o).

08 desember 2005

til að koma ykkur í stuð í dag

ákvað ég að gera mig að Foxy Humpalot, Lovely Christmas og Stinkerbell

Kíkið
Hafrún Ásta a.k.a. Foxy Humpalot a.k.a. Lovely Christmas a.k.a. Stinkerbell hehe

07 desember 2005

hvaða stjörnum líkist ég?

Samkvæmt þessu þá er það Jill Hennessy (sem leikur réttalækninn Jordan), Gina Gershon (?) og Cindy Crawford (sem er ein sú flottasta í fyrirsætubransanum) ekki amalegt eða hvað.

Hafrún Ásta stjarna hehe

tímavillt ó já

og nokkrum tímum á undan í dag. hehe nema þegar ég vaknaði. Ætlaði í foreldrajólakaffið í morgun það var klukkan 10:30 svo ætlaði ég beint til Sigurdísar í fótsnyrtingu nei átti mín ekki að mæta klukkan 15 í stað 12 hehe ekki alveg minn dagur svona tímalega séð.

Hafrún Ásta tímavillta

Föndra föndra og foreldrakaffi

Jamm jólaföndrið er byrjað. Gerði heil 4 jólakort í gær og fékk Karen til að prófa að gera nokkur og hún hristi sko 6 kort fram úr erminni og það mjög flott kort. Kristín á efri hæðinni kíkti líka niður til að prófa og stóð sig mjög vel líka. Og hef ég grun um að hún muni kíkja aftur niður í kortagerð því þetta er alveg merkilega gaman. Tala nú ekki um þegar maður setur jólatónlist á og malt og appelsín eins og Karen kom með í gær.
Jamm nú verður maður að spýta í lófana og klára að föndra öll kortin.

Í morgun var ég á leiðinni í foreldrakaffi hjá Heiðmari Mána og skildi ekkert í því að ekki var neitt foreldri mætt hehe ja las svo blaðið á hurðinni aftur og viti menn byrjar ekki fyrr en klukkan 10:30 - 11:15 svo er ég að fara til fótaaðgerðafræðings. Mætti halda að maður hefði ekki tíma til að vera í vinnunni er að fara til tannlæknis á morgun nefnilega líka hehe svo jólaleikrit og jólakaffi hjá Hafsteini Vilbergs á föstudaginn. hehe. Já hrikalega mikið að gera eitthvað.

Hafrún Ásta föndrari.

06 desember 2005

Er orðin óð

já eða meira en venjulega það er umsóknaróð hehehe. Svo þarf ég að fara að versla afmælisgjöfina hans Sigga. En ég segi ekki enn hvað það er því Siggi má ekki vita hehehe.

Hafrún Ásta leyndardómsfulla. Siggi er að farast úr forvitni eftir vísbendinguna sem ég gaf honum hehe.

05 desember 2005

Jæja þá er bara að sækja um á fleiri stöðum.

Og mér sem fannst þetta ganga svo vel. Var í viðtali í morgun og það sóttu nú ekki nema 79 manns um það starf. Vonandi verður þetta ekki vesen endalaust. hehe.

Það er búið að ráða í ritarastarfið á lögfræðistofunni og viti menn ég var ekki ráðin hehe svona er þetta þá er bara að finna eitthvað meira spennandi.

Hafrún Ásta leitari eða seeker (Harry Potter er seeker er reyndari ekki að leita að vinnu enþá hehe)

04 desember 2005

Jólahlaðborð x2

Já sinnum tveir hehe því

Föstudagur jólahlaðborð 1 með minni vinnu -
Borðhald átti að byrja klukkan 20. Jú við mættum klukkan 20 eftir að hafa lagt frekar langt frá Borginni. Já sko Hótel Borg. Allavega þá settumst við stórt hringlaga borð 4 ég, Siggi, Karen og Óli. Svo bættust í hópinn Úlfar og frú og vorum við eins og grúppíur fyrir Margréti Eir sem söng fallega en var mjög kaffærð af bassanum sem spilaður var undir. Ja svo kom maður og sagði okkur það að við værum á vitlausu borði og tróð okkur sex í 5 sæti það er tróð þar inn einum biluðum stól í viðbót og plássið okkar var eftir því auðvitað. Eins og það væri ekki nóg þá liðu um tvær klukkustundir áður en við fengum að borða og afhverju leið svona langur tími. Jú í fyrsta lagi var eitt langborð með matnum á og það fyrir 150 manns 100 á vegum minnar vinnu og 50 á ýmsum öðrum slóðum. Í öðru lagi þá hafði einhverri konu dottið í hug að breyta orðatiltækinu dettum í það á jólahlaðborði í dettum á jólahlaðborðið. Hehe jamm einhver kona ekki á vegum minnar vinnu hehe datt á hlaðborðið og þá þurfti að þrífa upp eftir hana og skipta um mat á borðinu ekki var vinsælt svona bland í poka klessa einhver. Ja þar sem við þetta myndaðist mjög löng röð sem við lentum í jamm þá gekk starfsfólkið um og bauð jólabjór og malt og appelsín, og hellti svo nánast heilum bjór yfir einn í röðinni SNILLD. Ég var farin að dauðvorkenna starfsfólkinu þarna. Já loks fengum við mat og byrjuðum á forréttunum og borðaði of mikið af þeim svo ekki gat ég notið hins eins vel. Ja svo fer ég aftur til að fá mér aðalréttinn og er að setja sósu á kjötið þegar strákurinn á undan mér (ekki vinnufélagi minn sem betur fer) horfir á diskinn minn og segir þetta er ekki svona þessi sósa var á lambið og þessi á svínið. Ég svaraði nú pent þú skalt bara borða þinn mat og ég minn hehe. Eftir mat fórum við bara heim slepptum eftirréttinum. það var um 23 en þá vorum við svo gott sem nýbúin að borða. Þó misstum við ekki af því þegar ein sem vinnur með mér og var á borði lengra frá okkur var greinilega búin að borða og hrunin í það því hún lá á öxl næstu manneskju hehe stuð. Já við fórum bara heim.

Laugardagur jólahlaðborð 2 með Sigga vinnu -
Mæting upp úr 14 á Hótel Keflavík. við mættum snemma og um leið og ég stíg inn á hótelið geri ég mér grein fyrir því að ég gleymdi spariskónum heima og er bara með hermannaklossana. við skruppum því í verslunarferð og keyptum skó stígvél á 6.900 kr sem var svo fínt verð og þeir eru æði varð ekkert þreytt í fótunum allt kvöldið þrátt fyrir mjög mjóan hæl og að þeir eru támjóir. Já svo fórum við upp á hótel í sturtu og svona og dúllast við að taka okkur til. Svo fara aðrir að týnast inn. Jón Fannar bróðir er byrjaður að vinna þarna og þau voru því þarna líka hann og Anna sem var bara stuð. Já Anna kaupir sokkabukur en tekur óvart pushup boxers hehe já það er til svo Jón Fannar þurfti að fara út á bensínstöð að kaupa sokkabuxur hehe. Jamm um 18:30 eru allir ready og svaka fínir og fara niður í fordrykkinn og svo í bílum á Ránna. Nema hvað ég þekkti ekki hann Snorra sem vinnur með Sigga hef ekki séð hann í 3-4 ár og bara þekkti hann ekki hvílík skömm (en ekki svo ólíkt mér). Já við mætum á Rána og gillið byrjar. Ekki sést til Bergþórs Pálssonar sem átti að syngja undir borðhaldi hehe svo þar sem súpan sem átti að vera var ekki sjáanleg heldur hehe þá gerðum við bara ráð fyrir því að hann lægi í súpunni en nei hann kom seinna en þó ekki með súpuna. Hann sló í gegn hann er hress karlinn. Maturinn var fínn en auðvitað át maður of mikið þar og mér var nú bara bumbullt af öllum þessum mat um helgina. Var bara fegin að fá hrísgrjón og smá kjúkling í kvöldmat í dag. Ja eftir matinn var spjallað og jú jú við fengum okkur eitthvað í glas líka ég ... Svo mætti aðal töffarinn hehehe Rúnar Júl jamm hann var að spila á Ránni. Held að synir hans hafi sungið flest lögin en þetta var gaman og ég dansaði helling á nýju skónum og drakk eitthvað tópas skot sem sagt tópas í fljótandi formi. Jú jú og dansaði við misgóða dansara. Jón Fannar bróðir er fínn dansari og gaman að dansa við hann þar til hann reyndi að rota mig held hann hafi ekki nennt að dans við mig lengur hehe. Nei nei þetta var klaufa skapur ætlaði að enda dansinn sem hafði verið með flottum snúningum og dýfum með svaka flottri dýfu í endann og hitti beint með hausinn á mér í stól. hehe KLAUFI og hann var voða sorrý og spurði hvort ég væri nú í lagi ég svaraði að ég hefði sennilega aldrei verið alveg í lagi og versnaði varla mikið meira en þetta hehe. Fórum svo upp úr klukkan 3 upp á hótel aftur og í rúmið upp úr 5 allt of seint hehe. Eftir þetta kvöld í Keflavík er ég ekki frá því Keflvíkingar séu sér þjóðflokkur hehehe en sennilega eru Reykvíkingar það líka.

Allavega var mjög gaman um helgina og svo í dag fóru Siggi og Hafsteinn í bíó á litla Kjúlla og ég og Heiðmar Máni í langan bíltúr til Keflavíkur að sækja símann hans Siggi sem varð eftir á hótelinu. Svo verlsuðum við 3 jólagjafir og fórum heim að hafa það kósý.

Hafrún Ásta þreytt eftir helgina og á að mæta í atvinnuviðtal á morgun og vonandi fæ ég bráðum svar frá lögfræðistofunni.

02 desember 2005

Til hamingju með daginn amma

Já amma hefði orðið 77 í dag svo ég sendi henni kertaljós og koss


Knús frá okkur Maríanna amma,
Hafrún Ásta og fjölskylda.

kannski vel meint en...

Textinn í laginu Band aid - Do they know it's Christmas? hefur alltaf nokkurs konar undarleg áhrif á mig þar sem hluti textans er svo undarlegur
There's a world outside your window,
and it's a world of dread and fear
Where the only water flowing
is the bitter sting of tears
And the Christmas bells that ring there
are the clanging chimes of doom
Well tonight thank God it's them
instead of you


Finnst engum öðrum þessi texti undarlegur. Hægt er að sjá hann allan í linknum að ofan.

Hafrún Ásta sem fór að hugsa þegar ég heyrði lagið í leikfimi í morgun.

01 desember 2005

Búin með tvö atvinnuviðtöl

Og gekk vel í því fyrra og fæ svar í kringum helgina, vonandi í dag. En þó allavega á mánudaginn býst ég við. Þau voru rosalega fín og ég kæmi til með að gera margt og eflaust hafa gaman af. Þetta var á lögmannstofunni. Held samt að ég hafi beðið um allt of lág laun. Þarf að endurskoða verðmat mitt á sjálfri mér.

Fór svo í hitt viðtalið en ég hef lag á að finna þegar ég kem inn hvort það hentar mér eða ekki og ég fann það strax þarna. Ekki að þetta geti ekki verið gefandi starf en þetta er langt að fara og svo get ég ekki hugsað mér það sem framtíðarvinnu.

Hafrún Ásta sem núna bíður spennt.

30 nóvember 2005

Var að lesa á bloggi vinkonu minnar að það hafi verið keyrt á dóttir hennar og hún missti andann og maðurinn kom út sagði er allt í lagi og þegar hún svaraði ekki settist hann aftur inn og keyrði í burtu. Er ekki allt í lagi með fólk. Hún virðist sem betur fer hafa sloppið mjög vel en fór í myndatökur og svoleiðis.

Hefur fólk ekki tíma til að hjálpa öðrum og þá sérstaklega fólki sem það á þátt í að eigi í vandræðum.

Hafrún Ásta alveg hneyksluð núna

Jæja búið að boða mig...

í tvö atvinnuviðtöl og bæði á morgun klukkan 11 og annað um 12.

Tvö gjörólík störf, annað er skrifstofustarf á lögfræðistofu - hljómar spennandi, hitt er á dvalarheimili í Garðabæ í dagvist aldraðra - hljómar ekki eins spennandi.

Hafrún Ásta kveður í bili

28 nóvember 2005

Harry Potter & the goblet of fire og Hilmir Snær

Jamm fór á hana í gær á 23:15 sýningu með hléi sem er alveg undarlegt að hafa hlé á sýningu sem er svona seint. En myndin stóð fyrir sínu og ég get ekki beðið eftir mynd 5 og 6 og 7 og bók 7 hehehe jamm þessa verð ég að sjá aftur. Ég fylgdist með, ég hló, ég naut mín í botn og mæli hiklaust með henni.

Á laugardaginn fórum við í leikhús á "Ég er mín eigin kona" þungt efni en mjög vel leikið. Ég og mamma vorum alveg ánægðar með stykkið en Siggi og pabbi voru ekki eins hrifnir. Borðuðum í Iðnó líka áður og fengum svínasnitsel í raspi hehe ekki beint svona út að borða matur hehehe og feiti með. Fyrir matargesti er frátekin sæti sem er bara snilld.

Hafrún Ásta Potter

25 nóvember 2005

Busy helgi

Ó já busy helgi framundan.

Í dag eftir vinnu sækja strákana og fara aftur í vinnuna og födnra með fólkinu og strákunum. Svo beint heim að elda því Nonni, Ingibjörg og Natan ætla að koma í kvöld og borða með okkur. SVo fer ég að aðstoða frænku mína. Þetta er bara kvöldið í kvöld.

Svo er laugardagur (nammidagur) gæti verið að ég færi hann um set sjáið afhverju seinna. Barnaafmæli, fara heim og sækja barnapíuna í leiðinni, taka sig til og fara út að borða svo í leikhús svo heim og skutla barnapíunni heim. reyna að borða ekki nammi þann daginn.

Sunnudagurinn er aftur á móti undirlagður í Harry Potter

Já farið verður ég og Sveina heim til Ágústu og horft á myndir 1-3 af Harry Potter í röð og svo brunað beint í Álfabakka til að sjá mynd 4 The goblet of fire og því þarf að geyma nammiátið fyrir þennan dag þetta verða um 11 tímar af Harry Potter (Nei Karen hann heitir ekki Hairy Buttox)



Hafrún Ásta sem viðurkennir fúslega að vera Harry Potter fan

24 nóvember 2005

Efnin mín frá Silkweaver

Jæja Linda hér er mynd af þeim.

Aukalega pantaði ég Zweigart 32 ct. Belfast linen Flax stórt.
En í pakkanum voru

Pink Quartz 32 ct. Jobelan 13x18
Terra Cotta 28 ct Cashel linen 18x26 (geðveikt flott efni)
Zweigart 28 count Cashel (Millenium blue)
Permin 32 count linen (chesnut)
Jobelan 28 count (Blue Wing)
Shimmering Aqua 32 count Opalescent Lugana 9x13 (frábært efni sem ég er byrjuð að sauma í sjá mynd að neðan)


Á meðan ég skrifaði þessa færslu kom pósturinn og ég varð öll æst og beið eftir silkweaver pakkanum mínum nema þá var þetta pakki frá Steinu og þá eru allir komnir nema einn. Í honum var saumablað, puntuviskustykki og servíettur.

Hafrún Ásta

Kaffipróf hvað???

Samkvæmt kaffiprófinu er ég
Svart te!
.. þótt það hljómi furðulega.
Hvernig kaffi ert þú eiginlega?


Te!
Þú ert greinilega að taka vitlaust próf, þú átt engan veginn heima hér í kaffiprófinu. Verandi te ertu þó traustur einstaklingur sem bregst ekki vinum þótt lífið liggi við.

Þú ert svart te í vel heitu vatni.

Vídeókvöld

það var eitt slíkt hjá okkur Sigga í gær og tókum við myndina Mr.& Mrs.Smith, sem ég er að vísu búin að sjá. En málið er bara það að Brad Pitt

er svo sætur og mér hefur alltaf fundist það eins og þeir sem hafa þekkt mig eitthvað vita hehehe. Og nokkrir fleiri en Brad Pitt er næstur í röðinni á eftir Sigga sko. Hann færi efst á celebrity kortið ef ég mundi gera slíkt eins og í Friends.

Hafrún Ásta over & out ;o)

Og leitin heldur áfram...

Nei ekki að draumaprinsinum hann er fundinn og er í vinnunni núna ;o) (Siggi auðvitað) Sem kom heim í gær og byrjaði að borða fékk sér á diskinnog ég byrja að ganga frá þegar ég er búin og fer að taka til nesti af matnum sem eftir var. þá heyrist í mínum " hvað það er aldeilis mín bara byrjuð að taka til nesti og maður ekki búinn að borða ennþá" ég spurði hvort hann vildi þetta líka það var nú enn matur eftir samt en hann sagði nei. Er að venja hann á að borða nóg ekki of mikið ;o)



Að nýrri vinnu ég fer á hverjum degi samviskusamlega inn á þar til gerða vefi og sæki um og sendi umsóknir hingað og þangað. Fæ svo annað slagið tölvupóst sem tilkynnir mér það að umsókn mín hafi verið móttekin svo þetta hlýtur á endanum að gera sig. ;o)

Hafrún Ásta leitandi

23 nóvember 2005

Hversu vel að þér ertu???

Take my Quiz on QuizYourFriends.com!

Takið endilega þátt það er bara gaman að vera með.

Hafrún Ásta Quizmaker

Jólakortin og undarlegar draumfarir

Það lítur út fyrir að ég föndri þau í ár. Jamm held það bara en ég lofa því samt ekki. En kannski dett ég í gírinn er að fara í Föndru í næstu viku að kíkja á nýjar hugmyndir.

Æji hvað ég svaf samt illa í nótt.

Skelfilega eiginlega og vaknaði hvað eftir annað og öll hljóð pirruðu mig. En ég vaknaði og fór fram úr um 5 við Heiðmar Mána og gat svo ekki sofnað aftur því ég var með svo mikinn hausverk tók verkjatöflu og fór á klóið, skreið svo aftur upp í.

Þá byrjuðu draumfarirnar þar sem ég skildi börnin mín eftir heima og þar af Heiðmar Mána úti í vagni (eitthvað sem ég mundi aldrei í lífinu gera) og fór með bílinn á verkstæði (sem er sko ekki bilaður en hafði verið skemmdur i draumnum). Svo þurfti ég að hjóla til baka og á leiðinni hékk í mér manneskja úr vinnunni sem var að neyða mig til að halda partý þó ég þrætti fyrir það því börnin mín væru heima og þau gætu ekki sofið í partýi og þá sagði hún hvað áttu stórt hjónarúm (WTF).

Mér leið svo illa þegar ég vaknaði og var svo sakbitin að hafa skilið börnin mín svona eftir (þó það hefði verið í draumnum) að þegar síminn vakti mig til að fara á æfingu komst ég varla framúr en svona drafaði einhvern veginn inn á bað pissaði, tannburstaði mig og klæddi mig í einhverju móki og fór í leikfimi. Þar var greinilega ekki gott dagsform allar æfingarnar svo þungar og ég svo skrýtin. Svo er ég nú komin í vinnuna og er skítkalt og þrái rúmið mitt sem btw stendur ekki til boða fyrr en í kvöld því ekki sofna ég á borðinu hér né með strákana heima fyrir kvöldmat eða háttatíma hehe.

Björtu hliðarnar eru þær að þessi dagur hlýtur að skána úr þessu hehe.

Hafrún Ásta föndrari, draumasmiðja og atvinnuleitari

22 nóvember 2005

Ný vinna???

Já daman er að leita að nýrri vinnu. Afhverju nú vegna þessa að verkefnið sem ég réð mig í að leysa er að verða búið og því líkur samningnum mínum núna 31. janúar. Fékk símtal áðan þar sem mér var sagt að ég fengi ekki vinnuna, en ef ég hefði sótt um áður en umsagnarfresturinn rann út hefði ég verið mjög sterkur kanditat hehe. Já en ég sá þessa auglýsingu ekki fyrr en í dag hefði betur séð hana á föstudaginn því þá rann þetta út. Hann sagðist bara ekki geta takið mig inn þegar hann var búin að ná hópnum niður í tvo til að velja úr um. En vildi þó hringja í mig og segja mér það sjálfur. Sem var nú svaka gott þoli ekki að fá ekki einu sinni svarið NEI. Vera bara ignoruð hehe!! Kannski breytist eitthvað hér og ég held áfram hér ef eitthvað losnar en ef ekki mun ég án efa skna stelpnanna hérna; Karenar, Maríu Sifjar og Önnu (blogglaus). Svo eru hin hér svaka fín líka en þessar eru þær sem ég tala sennilega mest við. (GREYIÐ ÞÆR) hehehe


Hafrún Ásta atvinnuleitari

21 nóvember 2005

Komin heim

Ja kom heim í gær úr sumarbústaðnum en nennti ekki að blogga þá. Það var æðislega gaman og þið stelpur sem komuð með takk fyrir samveruna þetta var svo NÆS. Sissú sá um aksturinn og auðvitað komumst við á leiðarenda án nokkurra vandkvæða. Við saumuðum út í eitt og borðuðum saman á laugardeginum og Sveina var nú alltaf með í glasi að vísu sama glasinu tók hana rúma 6 tíma að klára úr einu blushglasi hehe. Kjöftuðum, hlógum og skemmtum okkur á allan hátt frábærlega (allavega ég). Fórum svo í Skrínuna á Selfossi og var sú nú glöð að sjá okkur því við jú eyddum dágóðri upphæp þar allar saman. Margir skemmtilegir frasar lifa eftir þessa helgi en einn sá algengasti var ha? "gall og skít á spýtu" en ekki "garn á skít á spýtu". Ásta snillingur og hennar orðatiltæki og misheyrnin mín í sínu besta formi. Hinn var "Ég fíl' að dilla, dilla" endurtekið þrisvar og svo endað með tilheyrandi DILLA og leiknu dilli. Lára, sem svaf í stofunni, sagði þið komið sko ekki fram klukkan 8 eða eitthvað. En þrátt fyrir að hafa ákveðið að vakna snemma til að byrja að sauma þurfti hún ekki að hafa áhyggjur af því, þar sem við sváfum til 11:30 báða morgnana og vorum því vel hvíldar þrátt fyrir að hafa saumað til 4 um nóttina.

Þetta var æði og verður sko endurtekið eftir áramót hehehe.

Hafrún Ásta sem fór í saumósumó um helgina og naut þess í botn.

já kannski sérstakt.

Your Eyes Should Be Violet

Your eyes reflect: Mystery and allure

What's hidden behind your eyes: A quiet passion

18 nóvember 2005

Hversu skrýtin er ég ...?

You Are 50% Weird

Normal enough to know that you're weird...
But too damn weird to do anything about it!

Í sumarbústað skemmti ég mér tralla lalalla

Og já há er að fara með saumaklúbbnum upp í sumarbústað um helgina og það verður bara saumað, kjaftað, étið og notið þess að vera barnlaus. Ekki að mér finnist ormarnir mínir leiðinlegir alls ekki en stundum er gott að vera barnlaus og vinda af sér eftir rútínuna.

Svo að einu skemmtilegu.

Eitt orð

Lýstu mér í einu, bara einu orði!

Sendu mér það svo (bara mér), sendu þetta svo til allra vina þinna og sjáðu hvaða skrítnu hluti fólki finnst um þig.

Þið sem gerðuð það í email þurfið ekki að endurtaka það hér hehe.

Hafrún Ásta sem kemur vel AFundin á sunnudaginn heim og alsæl með afslöppunina.

17 nóvember 2005

skemmtilegt námskeið.

Síðust tvo morgna hef ég verið á frábæru námskeiði til hádegis og það er búið að vera svo gaman að fá að leika sér pínu. Meðal annars bjuggum við til þetta fyrirbæri

hinn hópurinn bjó þetta fyrirbæri til










Stelpur þetta var stuð í lagi takk fyrir mig.
Hafrún Ásta námskeiðari.

15 nóvember 2005

Fengið að láni

Frá Lindu litluskvís

Sneddý leikur... skrifaðu nafnið þitt í kommentin og ég svara þessum spurningum um þig!!!
1.I´ll tell you something random about you
2.I´ll tell you what song/movie reminds me of you
3.I´ll pick a flavor of jello to wrestle you in
4.I´ll say something that only makes sense to you and me
5.I´ll tell you my first/clearest memory of you
6.I´ll tell you what animal you remind me of
7.I´ll ask you something that I´ve always wondered about you

Að öðru
svo undarlegt er það að Hafsteinn hljóp beint að borðinu í gærkvöldi og borðaði þrettán kjötbollur (sojabollur eru ótrúlega góðar og með engri mjólk fyrir Heiðmar Mána) og kartöflumús þá þurfti ég að ná í Heiðmar Mána óvenjulegt og hann borðaði minna en Hafsteinn. Svo sofnaði Hafsteinn bara strax en Heiðmar Máni ekki. Öfugsnúinn dagur hehe.

Jamm en nú er nýr dagur og hann skal vera góður þótt kaldur sé.
Hafrún Ásta

14 nóvember 2005

Ja það er alltaf spurning



Hvort þetta sé svona

Að öðru helgin var fín. á Laugardaginn fórum við í nýju Blómaval við Húsasmiðjuna í Skútavogi að skoða jólaskraut og svona keyptum ekkert jólaskraut samt ennþá. En þar er deild með lífrænt ræktuðum vörum og við keyptum nú eitthvað þar og svo er þar dýrabúð og við keyptum mat, vítamín og annað slíkt fyrir Gísla og næstum því annan páfagauk hehehe. Svo fórum við í húsasmiðjuna og þar verslaði ég ný kökuform. Sökum leti og nammidagsins var svo bara pizza í matinn því það var megavika hjá Dominos og við notum þær til að prófa nýjar tegundir af pítsum og núna prófuðum við eina nýja Tex Mex og hún er góð (inniheldur; pepperoni, fajitas kjúkling, maísbaunir, rauðlauk og cheddarost). Nú svo gerðist það í fyrsta skipti að ég dottaði yfir mynd um kvöldið en ekki Siggi. Um var að ræða mynd sem ég hef séð en ekki Siggi Hitchhikers guide to the galaxy en ég var bara svo svakalega þreytt. Mér fannst hún enn fyndin og Siggi hló nú annað slagið líka. En við horfðum á Batman Begins á miðvikudgainn og voru bara frekar ánægð með hana bæði. Ég fór nú líka ein í Smáralind til að ná í nýjar buxur sem voru í styttingu og kaupa mér nærföt sem bæði ég og Siggi erum hæstánægð með.

Í gær fórum við 4 í sund og þar sem það er innilaug í Grafarvogi, þá vorum við bara þar, og vá hvað strákunum fannst þetta gaman. Afhverju gerum við þetta þá ekki oftar? Hef ekki hugmynd en litli snillingurinn hann Hafsteinn átti þessu snilldarhugmynd og við munum pottþétt gera þetta aftur fljótlega. Annars voru báðir strákarnir eitthvað pirraðir og þreyttir í gær sennilega fengið of mikið nammi á laugardaginn. Fórum að versla með báða strákana í svona pirrskapi og það var ekki eins gaman og sundferðin hehehe. Svo var vídeo - popptími og horfðum við öll saman á mydnina Vélmenni (Robots) og það var mjög næs stund. Nú við buðum svo Jóni Fannari, Önnu, Sylvíu og Sif í mat og alltaf gaman að sjá þau þó svo að við þurfum nú að fara að drífa okkur að skoða nýju íbúðina þeirra.

Kláruðum svo að horfa á Hitchhikers guide to the galaxy og fórum að sofa.

Fór á æfingu í morgun og þyngdi í nokkrum tækjum bara harka í gangi. Fleira hefur nú bara eiginlega ekki gerst í dag ENNÞÁ.

11 nóvember 2005

Ekki alveg það sem ég átti von á

Kannski ég ætti að taka þetta próf aftur


Partítröll


Þú ert nýjungagjörn, tilfinningarík félagsvera.


Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur.



Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu.



Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er.


Hvaða tröll ert þú?

10 nóvember 2005

KNÚS til Maríu Sifjar

Því henni dat í hug það sem mér datt ekki í hug. Og hvað var það jú að googla það sem maður er að leita af. Hef í tíu ár, ja ok hætti svo sem að leita fyrir svona 4-5 árum, leitað að ilmvatni, sturtusápu og body lotioni sem mér var einu sinni gefið. Hef aldrei átt ilmvatn sem passaði mér betur (í minningunni). Nú og ég hætti að leita þegar ég fann það ekki í Ameríku 1996 og ekki í Glasgow 2002 minnir mig og hvergi hér heima. Hún María Sif sagði afhverju googlarðu það ekki og henti inn nafninu Racine

Og finnur daman ekki bara ilminn og alles. Kannski maður panti þetta reyndar væri það mín heppni að þetta mundi brotna á leiðinni heim.

Hafrún Ásta sem ilmar svo sem ágætlega en gott að vita að þetta er til ef mig skildi langa í þetta aftur.

já þannig er það sko...

Bíllinn er kominn í lag og kominn heim, þvottavélin er kominn í lag, Úi hefur ekki gengið aftur en nei þá bilar fartölvan eða þannig fer viðgerð á eftir fæ hana vonandi á morgun. Er víst eitthvað sambandsleysi á milli móðurborðsins og skjásins eftir rúmt ár en hún er í ábyrgð og þeir geta vonandi lagað þetta eða sagt mér hvort þetta er ekki það og hvort ég hafi gert einhvern fjandan af mér því sjáiði Bluescreen það er eitthvað sem ég get skilið en Whitescreen þá er ég lost. hehe svo ég held að þetta sambandsleysi sé eitthvað sem ég skil því ég skannaði hana sama dag og þetta byrjaði og enginn vírus svo ekki er þetta það.

Hafrún Ásta sem mun bara lesa póstinn í vinnunni og kannski í gömlu seinu heimilistölvunni heima ef ég nenni annars bara verð ég sambandslaus í bili það er fínt.

09 nóvember 2005

Bíllinn minn...

...er kominn heim og það sem meira er kom nýþrifin og bónaður að utan svaka fín alveg. Er svona nýr bíll lykt inn í honum já þetta verkstæði gekk það vel um að þeir þrifu sko vel eftir sig. Var bara ánægð með þá. Finnst bíllinn leita pínu til vinstri og mun hringja í þá í dag en samt held ég sé að rugla kannski pínu ætla að fylgjast með þessu pínu.

Hafrún Ásta alsæl á Peugeotnum sínum

08 nóvember 2005

Jibbý dibbý dú

hehehe bíllinn minn er tilbúinn og vonandi alveg í lagi ég nenni ekki að standa í að rífast yfir því að hann sé ekki nógu vel viðgerður. Sem þýðir að ég losna við Playmóbílinn í dag.

Vú hú
Hafrún Ásta sem getur ekki beðið eftir að fá bílinn sinn aftur.

07 nóvember 2005

Ég vissi það sko

að það er allt er þá þrennt er. Þvottavélin bilaði það er númer þrjú. Nú svo ég sagði í vinnunni að nú gæti ég hætt að bíða eftir því þá sagði ein ja ég hef nú heyrt um að fullreynt sé þegar fernt er. ARG!!!! Nei ég held mig við hitt og segi nú þrennt þrennt þrennt. Og hana nú.

Hafrún Ásta ekki svo hjátrúafull.

06 nóvember 2005

Harry Potter & the goblet of fire

Jamm hún var heimsfrumsýnd í gær í London og JÁ ég hefði sko viljað vera þar. En verð að bíða til 25. nóvember. En næstu helgi ætlum við nokkrar saman; Sveina, Ágústa og Lára held ég verði með ætlum að taka myndirnar 1-3 á einu kvöldi áður en við förum á hina en þurfum að gera það næstu helgi því við verðum allar saman í sumarbústað helgina eftir. Stuð!!!!!!!!!!

Að öðru þvottavélin okkar er biluð. Skilst að það hafi eitthvað með spöng úr brjóstarhaldara að gera. Svo þvoðið ykkar endilega í svona sértilgerðum poka. ER ógeðslega svekkt kom svona vond hitalykt og allt.

Hafrún Ásta spennt og pínu svekkt yfir að geta ekki þvegið.

05 nóvember 2005

LEGO, fatakaup og cm

Fórum í Kringluna í dag og keypti bol í Oasis sem er svo æðislegur (fyrir gjafakortið mitt þar). Og svo fórum við í Smáralind til að skoða Legoið og vá þarna var sko margt að finna. Þegar maður labbar inn á svæðið taka Harry Potter og Hagrid á móti manni. Hafsteinn prófaði svo að setjast í formúlubíl (FERRARI) úr legokubbum, honum fannst það æði. Nú svo keyptum við smá lego handa þeim báðum. Fór svo í Oasis í Smáralind (átti gjafakort í Smáralind líka)nú fórum svo að skoða nýju búðina við hliðina á Oasis sem heitir Coast og keypti buxur og skyrtu fyrir gjafakortið bætti við 2000 sem á átti eftir úr kringlunni borgaði annað með því í Kringlunni go Siggi sagði mér að bæta því við í Smáralindinni í staðinn. Nú svo þvældist þar með svona sparitoppur sem er æðislegur þurfti bara að borga hann aukalega ;o).
Nú er ég svo hætt að versla föt í bili. Ja eitthvað verður maður að gera þegar maður hefur tekið 18,5 cm af mittismálinu á 2 mánuðum. já einkaþjálfunninni er lokið og nú er bara að halda áfram samt, og halda sér þó ekki væri nema svona hehe. ekki farin nema um tæp 7 kíló en cm segja sitt. Að vísu hefur síðasta vika verið undarleg og ég því staðið í stað einkum vegna þess að tvo daga í þessari viku fékk ég mér köku (maður verður nú ekki 30 ára oft, reyndar hehe er hver aldur og hvert afmæli EINstakt) nú og svo American Style hamborgarinn á miðvikudaginn. Næsta vika er bara aftur í að vera stillt og dugleg og mæta á æfingar. Þó það sé ekki nema brennsla. Ætla að reyna að byrja á efri hluta líkamans aftur í næstu viku sjáum hvernig bólgurnar ganga niður.

Bíllinn minn verður ekki tilbúinn fyrr en í fyrsta lagi á þriðjudaginn. Ég sakna hans og verð fegin þegar ég má skila Playmobílnum.

Hafrún Ásta sem bullar á laugardagskvöldi.

04 nóvember 2005

afmælisgjafirnar frá saumaklúbbnum

Nokkrar þeirra nánar lýst í tölvupósti á saumaklúbbinn ;o)h













Hafrún Ásta pakkaóða