Alltaf lærir maður eitthvað nýtt.

Í dag var ég með Hafstein veikan heim (hann hóstaði svo mikið í nótt) og honum finnst allt hóstasaft vont og hálsbrjóstsykur líka. Svo þetta var nú aðallega að passa að hann drykki nóg og hvíldi sig því um leið og hann æsist eða leggst niður þá eykst hóstinn.

Nú jæja svo sæki ég Heiðmar Mána og hann er duglegur í að æsa upp bróðir sinn og öfugt. En það tókst seint og síðar meir að róa þá niður og þá fór Heiðmar Máni að syngja fyrir mig fyrsta lagið sem hann lærði litalagið. En breytingin núna var að hann syngur þetta núna með táknmáli. og kenndi mér það líka þannig. Alveg nei mamma þetta er svona. hihi Hafsteinn fór bara að fíflast því hann vantaði athygli eftir allan daginn ég skil það nú ekki. Svo þegar ég fór að lesa fyrir Heiðmar Mána í kvöld litlu bláu könnuna með litla bláa kettinum sem henti henni í gólfið (vona að ég hafi ekki skemmt endann á bókinni fyrir neinum) þá gerði hann táknin og sagði litla bláa kannann og litlu svarti kötturinn (kisan) á réttum stöðum. Þeir eru svo duglegir þessir strákar mínir.

Svo kom pakki til mín sem var sendur frá USA 8. ágúst í dag ekki seinna vænna var farin að halda að pósturinn æti alla pakka til mín. Ja ég fékk einn í síðustu viku eftir 3 mán ... það var handavinnupakki og þessi líka efni og spes yfirstrikunarpennar.

Hafrún Ásta montna mamma